10 популарни серии кои (ќе) имаат нови сезони во 2025-та

The White Lotus, The Handmaid's Tale, Black Mirror – дел од најпопуларните серии од изминативе неколку години во 2025-та ќе имаат нови сезони. А, за некои чекавме навистина долго.

Иако мини-сериите стануваат сè попопуларни, има и подолги серии кои ни го задржуваат вниманието, па трпеливо чекаме и повеќе од една година за нова сезона.

А, во 2025-та ќе има нови сезони од скоро сите серии што доминираа изминативе неколку години.

10 популарни серии кои (ќе) имаат нови сезони во 2025-та:

За повеќето серии трејлерите се за најновите сезони и може да содржат спојлери од претходни епизоди.

The White Lotus

The White Lotus е како антологиска серија и во секоја сезона се појавуваат нови ликови.

Дејството се фокусира на гостите во ланец ресорти познати како White Lotus, на различни дестинации во светот.

Со живописните пејзажи од атрактивните дестинации, мрачните елементи во приказната, но и општествените критики, серијата брзо се претвори во една од најзборуваните.

Неодамна излезе третата сезона од серијата.

Severance

Серијата е уникатен психолошки трилер каде главните ликови се вработени во една фирма и нивниот надреден.

Сеќавањата од нивниот деловен и приватен живот се целосно одделени, а кога еден од вработените сретнува колега надвор од работното место, почнуваат да се расплетуваат многу мистерии.

Втората сезона од серијата почна да се емитува во јануари.

The Handmaid’s Tale

Веќе три години го чекаме продолжението на голготата на хероината Џун.

Дејството на серијата е сместено неколку години во иднината, кога во Америка владее вид патријархална диктатура каде што жените се потчинети и искористувани само за размножување.

Главниот лик, Џун, е заглавена во Америка и пробува да избега од хоророт.

Шестата (и последна) сезона ќе почне да се емитува на 8-ми април.

Black Mirror

Антологиската серија која на мрачен начин ги покажува негативните страни на технологијата првпат почна да се емитува уште во 2011 година.

Секоја епизода е различна приказна со различни ликови и се фокусира на последиците од технологии што ни се чинат револуционерни (како вештачка интелигенција).

Седмата сезона ќе почне да се емитува годинава, но уште нема конкретен датум.

The Bear

Со Џереми Ален Вајт во главната улога, The Bear ја раскажува приказната на млад готвач, кој од Чикаго се враќа да работи во сендвичарницата на неговото семејство.

Во околина многу поразлична од она на коешто е навикнат, тој мора да се справи со предизвиците за кои не ни сонувал.

Четвртата сезона ќе почне да се емитува во јуни 2025-та.

Продолжува на следната страница...