10 ретро хорор филмови кои и денес ни е страв да ги гледаме сами

The Blair Witch Project

Благодарение на добриот маркетинг, голем дел од јавноста беше убеден дека The Blair With Project содржи вистински снимки и е вид документарец. А, успехот на филмот го прослави поджанрот на хорор познат како found footage.

Главните ликови се група пријатели кои одат да пронајдат вештерка која наводно живее во шума.

Сите се скептици, но секој ден сè повеќе веруваат дека приказните за вештерката се можеби вистински.

The Shining

Неретко нарекуван и најдобриот хорор филм на сите времиња, The Shining е филм кој покажува дека некогаш најстрашното нешто може да биде нашиот ум.

Главните ликови се сопружници и нивното дете кои презимуваат во празен хотел за да го одржуваат вон сезона.

Изолирани и опколени со снег, мајката и детето треба да се справат со таткото кој станува погневен и полуд.

Halloween

Главниот негативец е Мајкл Мајерс, чија бела морничава маска е популарна и денес.

Во детството ја убил сестра му и бил затворен во ментална установа, но 15 години подоцна успева да избега.

И, бара одмазда.

The Thing

The Thing е напнат филм кој ќе ве држи во неизвесност до самиот крај.

Главните ликови се група научници на база на Антарктикот.

Тие се соочуваат со суштество, кое претпоставуваат дека е вонземјанин, кое може да се претвори во неговите жртви.

Alien

Научно-фантастичен хорор кој е релевантен и денес и инспирира цела франшиза и безброј слични филмови.

Група научници се враќаат од вселенска мисија кон Земјата и се во хибернација.

Но, компјутерот од вселенскиот брод детектира сигнал и ги буди, и тие наоѓаат напуштено летало на вонземјани, како и огромен мртов вонземјанин.

Спирова С. | Црнобело