Адам Сендлер е на врвот – Кои се најплатените актери за 2023-та?

Мет Дејмон – 43 милиони долари

Покрај заработката од студиото што го основа со Бен Афлек, Мет Дејмон имаше и улога во популарниот Oppenheimer.

Филмот е еден од најголемите фаворити за Оскар.

Рајан Гослинг – 43 милиони

Со улогата во Barbie, Рајан Гослинг си заработи номинација за Оскар, но и место на листата на најплатени актери за 2023-та.

Интересно е и што песната од филмот што ја пее тој – I’m Just Ken – стана огромен хит на Spotify, па веројатно му носи некаков приход.

Том Круз – 45 милиони долари

Благодарение на неговата репутација во Холивуд, Том Круз добива солидна плата за секој филм што ќе го снима, уште пред студиото да заработи нешто од проекциите во кината ширум светот.

Неговиот последен филм од серијалот Mission: Impossible не помина најдобро на бокс-офисот, но актерот сепак беше солидно платен.

Благодарение на стриминг платформите, тој уште заработува и од неговите постари филмови, како продолжението на Top Gun од 2022-ра.

Марго Роби – 59 милиони долари

Покрај улогата во Barbie, Марго Роби има и други приходи.

Нејзината продукциска компанија стои зад филмот Saltburn кој беше номиниран за Оскар, а наводно потпишала и ексклузивен договор со Warner Bros.

Марго најави дека ќе прави пауза од актерската кариера, но ќе се фокусира на други аспекти од филмската индустрија

Адам Сендлер – 73 милиони долари

Како што веќе спомнавме, Адам Сендлер е најголемото изненадување на листата.

И покрај лошите критики за неговиот нов филм Murder Mystery 2, тој заработи солидна сума.

Истовремено, во 2023-та имаше над 40 стенд-ап настапи ширум САД, како и три проекти во соработка со Нетфликс што му се дополнителен извор на приходи.

Спирова С. | Црнобело