10 филмови што не треба да ги пропуштите во пролет/лето 2023

Indiana Jones and the Dial of Destiny – 30 јуни

По цели 15 години, имаме можност да изгледаме нова авантура со омилениот археолог.

Дејството е сместено во 1969-та, во периодот на вселенската трка помеѓу САД и Советскиот Сојуз.

На Индијана Џонс, пак, не му се допаѓа што САД најмила поранешен нацист за да ја добие трката.

Mission: Impossible – Dead Reckoning, Part One – 12 јули

Ново продолжение од култните филмови со Том Круз во главната улога.

За дејството не знаеме речиси ништо, освен дека агентот Итан Хант повторно е на „невозможна мисија“.

Barbie – 20 јули

Филмот на Грета Гервиг е можеби најочекуваниот за оваа година, најмногу бидејќи никој не знае што да очекува.

Иако е инспириран од популарната кукла, Barbie воопшто не е наменет за мали девојчиња, а уште од трејлерот ќе се убедите дека сигурно ќе ви биде забавен.

Главните улоги им припаѓаат на Марго Роби и Рајан Гослинг.

https://www.youtube.com/watch?v=DmNDddKcA2s

Oppenheimer – 21 јули

Новиот филм на Кристофер Нолан ја раскажува вистинската приказна за Роберт Опенхајмер – физичарот кој е заслужен за измислувањето на атомската бомба.

Со режисер како Нолан, и актерска екипа што ја сочинуваат Килијан Марфи и Роберт Дауни Џуниор, можеме да очекуваме одличен филм за еден од настаните кои засекогаш го променија светот.

Gran Turismo – 11 август

Филмот е снимен според популарниот серијал видеоигри што го носи истото име. Но, истовремено е инспириран и од вистинската приказна за познат британски тркач.

Главниот лик е гејмер кој ја сака видеоиграта и сонува да стане професионален тркач.

Спирова С. | Црнобело