Марија, наша инфлуенсерка: „Пред 7 години имав операција на малиот мозок, денес славам втор роденден, со трудничко стомаче“

Детали

недела, 26 февруари 2023

„Денес, традиционално си го славам вториот роденден. Пред 7 години на денешен ден ми беше операцијата на малиот мозок. Ден што ниту јас, ниту моите најблиски ќе можеме да го заборавиме...“, ја почнува емотивната објава Марија и за CRNOBELO.com открива со каква дијагноза се соочила.

Марија од Скопје е наша инфлуенсерка со повеќе од 15.000 следбеници која постојано споделува вкусни и здрави рецепти и дефинитивно има еден од најубаво уредените Инстаграм профили.

Но, денес (26.02) таа откри дека слави втор роденден и дека пред 7 години на овој ден имала тешка операција на малиот мозок.

Марија за CRNOBELO.com открива дека пред 8 години ѝ дијагностицирале Арнолд Кијари - ретка малформација на малиот мозок и имала голема циста во 'рбетниот мозок.

Нејзината објава гласи:

„Денес, традиционално си го славам вториот роденден... Пред 7 години на денешен ден ми беше операцијата на малиот мозок. Ден што ниту јас, ниту моите најблиски ќе можеме да го заборавиме...

Но, од тој ден наваму, станав посилна, похрабра, посамоуверена, поблагодарна, посреќна, потрпелива, посмирена, поуспешна, поискусна, поздрава.

А годинава и со поголемооо (трудничко) меше. Денов го славам, како и секој претходен, а и секој следен!“

Прочитајте и На гости кај Марија: Светол стан од 100м2 во Скопје со асиметрија, многу книги и растенија (фото)

С. С. | Црнобело