Ирина Дишовска за CRNOBELO.com: „Павле ми отпеа неколку песни, најубав миг ми беше кога пред Бога нѐ прогласија за маж и жена“

Детали

сабота, 25 февруари 2023

„Дефинитивно тесната венчаница ми беше поудобна, Цел ден од утрото од 11 часот до 1 по полноќ си бев во штикли, 10cm. На рамно не се замислувам како невеста, иако моментално сум 6 месеци и 9 дена бремена - супер издржав.“, споделува Ирина Дишовска за CRNOBELO.com, која вчера (24.02) стапи во брак со својот сакан Павле Камилоски.

Пејачот Павле Камилоски и планинарката Ирина Дишовска вчера (24.02) на бајковита свадбена церемонија си ветија љубов до крајот на животот.

Распеани и весели со саканите околу нив и со комплетна кулминација на убава енергија и среќа, тие го прославија својот најубав ден.

Утринава ја контактиравме Ирина, која ексклузивно за CRNOBELO.com открива детали од свадбата:

„Двете венчаници беа од дизајнерката Моника Коцарева. Класичната беше само за во црква и матично, и веднаш потоа се облеков во тесниот фустан со перје.

Дефинитивно тесниот ми беше поудобен! Цел ден од утрото од 11 часот до 1 по полноќ си бев во штикли, 10cm. На рамно не се замислувам како невеста, иако моментално сум 6 месеци и 9 дена бремена супер издржав.

За шминката беше задолжен Зоран Шурбевски.

Прв танц ни беше на прекрасниот љубовен валцер од филмот „The Godfather“ (Кум), а во текот на вечерта Павле ми отпеа неколку песни „Time of my life“, „Sway“, „Странац у ночи“…  

Најубав миг ми беше кога пред Бога нѐ прогласија за маж и жена. Во соборниот храм Св Климент во Скопје.

Повеќе фотографии од нивната свадбена церемонија ТУКА!

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело