Нова книга поезија и награда за македонскиот поет и доктор Александар Саша Трајковски
- Детали
- вторник, 07 февруари 2023
Излезе од печат новата збирка поезија „Балканско Хаику - Харакири” на македонскиот поет и лекар Александар С. Трајковски, во издание на Здружението за книжевен развој „Нов Вавилон” од Битола.
Книгата е пишувана во стилот на јапонската поезија Хаику, но со балкански шмек, опишувајќи го менталитетот што секојдневно нè опкружува, со сите негови маани, преку досетки и шеги, на начин карактеристичен за авторот.
Рецензијата на книгата ја направи м-р Никола Илијовски, кој воедно е главен уредник на оваа издавачко здружение и член на македонското друштво на писатели.
Промоцијата е планирана да се одржи во текот на месец март 2023 година.
На крајот да напоменеме дека д-р Александар С. Трајковски е добитник на прва награда за најдобра поетска творба на Меѓународниот литературен фестивал „Божиќна литература 2022” во организација на писателката Милица Паулус.
Авторот е дипломиран м-р. доктор, македонски поет, преведувач и толкувач, член и дел од МАКЕДОНСКОТО НАУЧНО ДРУШТВО - БИТОЛА, член на Клубот на писатели „КОСТА СОЛЕВ РАЦИН” - Велес и Здружението на преведувачи и толчкувачи (ЗПРМ).
Би можело да ве интересира:
Препорачуваме
Најчитани неделава
