Андреа со беспрекорна изведба на полуфинале на Евровизија – добива поддршка од цела Европа (видео)

Детали

четврток, 12 мај 2022

Вечерва, 12 мај, Андреа Коевска настапи на втората полуфинална вечер на Евровизија и дефинитивно не остави никого рамнодушен со изведбата.

Со едноставна монохроматска комбинација и одлични сценски ефекти, Андреа се прикажа во најдобро светло.

Младата пејачка ја отпеа Circles беспрекорно и речиси веднаш откако беше споделено видеото од настапот, во коментари почнаа да се нижат пофалби не само од Македонија, туку од цела Европа.

Дел од коментарите на Јутјуб:

„Една од најдобрите изведби на ова второ полуфинале, можеби и најдобра. Одличен и уникатен глас! Многу љубов од Италија“.

„Браво Македонци! Поздрав од Хрватска“.

„Мојата омилена за оваа вечер. Мора да оди во финале!“

„Неверојатен вокал! Неверојатна песна! Со среќа од Грузија“.

Погледнете го совршениот настап на Андреа:

Спирова С. | Црнобело