Македонија во мрак – видеа од нашата земја го обиколија светот

Детали

вторник, 27 март 2018

ВТОРНИК, 27 МАРТ 2018:  Големото одбележување на Часот на планетата Земја во Македонија стана хит низ целиот свет!

Видео инсерти и фотографии од масовната прослава во Скопје, но и од Охрид ги обиколија светските медиуми, а посебно беше поздравена акцијата со садење на илјадници дрвца низ целата република.

„Македонија минатата сабота масовно се вклучи во акцијата Часот на планетата Земја и уште еднаш испрати силна порака против климатските промени. Во мрак потонаа над 80 локации, беа засадени илјадници дрвца, се трчаше маратон од пет километри, а републиката доби и два парка посветени на планетата Земја. Во Скопје, пак, уживавме во акустичниот концерт и забавата со флуоросцентни бои. Најважно од се е тоа што мотивиравме илјадници граѓани низ Македонија и уште милијарди повеќе низ целиот свет дека секој од нас има моќ да направи промена и заеднички да испратиме силна порака за спас на планетата Земја!“, изјави Ѓорги Селков од Канцеларијата на Часот на планетата Земја во Македонија.

Во продолжение погледнете дел од одбележувањето на акцијата низ Македонија и уживајте во видеото со инсерти од исклучените локации: