60 години на вашата трпеза

Детали

понеделник, 27 август 2012

По повод 60-годишниот јубилеј на Битолска млекарница, Ви го претставуваме новиот „Бимилк Класик” јогурт со традиционален кисел вкус.

Оваа година се навршуваат 60 години од формирањето на првата млекарница во Македонија, Млекара а.д. Битола. Од 1952 година, па сѐ до денес, континуираното унапредување и модернизирање на фабриката ја издигнаа Битолска млекарница во компанија со силна структура во производството и дистрибуцијата на секогаш свежи и квалитетни млечни производи.

Веќе 60 години млекарницата е посветена на одржување и промовирање на здрав живот и здрава животна околина, а долгата традиција заедно со современата технологија, која ги следи светските трендови и постојаното унапредување на производните капацитети овозможуваат „Бимилк” секојдневно да ги задоволува највисоките критериуми и потреби на милиони потрошувачи.

По повод 60-годишниот јубилеј, Битолска млекарница Ви го претставува новиот „Бимилк класик” јогурт со традиционален кисел вкус, кој како и сите други производи е направен според вкусот на нашите потрошувачи и е одличен избор за сите оние што сакаат во текот на целиот ден да се чувствуваат совршено.

Овие 60 изминати години заедно се доказ за совршениот квалитет на производите, посветеноста и грижата на нашата компанијата и вашата скапоцена верност и љубов. Ви ветуваме уште многу години богата и здрава трпеза со нашите производи.