Таско за својата трансформација: „Три месеци по трезниот пат, по 15 години самоуништување“

Детали

четврток, 03 април 2025

„Во три месеци си докажав на себе дека 15 години самоуништување не значат ништо, во оној момент кога ќе решиш дека ќе станеш подобар за себе. За твоите блиски. И за сите кои аплаудираат и те поддржуваат...“, вели искрено Таско и споделува фотки од својата трансформација.

Mузичарoт Христијан Тасковски - Таско (29) на Инстаграм сподели дека пред 3 месеци одлучил во својот живот да внесе ред и дисциплина и да тргне по трезниот пат, по 15 години самоуништување.

Таткото на две деца вели дека врти нова страница и преку фотографии ја покажа телесната трансформација, која е резултат на посветено и напорно вежбање.

Таско вели:

„3 месеци дисциплина.
3 месеци ред.
3 месеци работа во сенка.
3 месеци непоколебливо газам по трезниот пат.

3 месеци докажав на себе дека 15 години самоуништување не значат ништо, во оној момент кога ќе решиш дека ќе станеш подобар за себе. За твоите блиски. И за сите кои аплаудираат и те поддржуваат.

3 месеци низ кои сфатив дека оваа игра е игра за храбрите. За оние кои имаат јасна цел и визија за нивната иднина, и точно поставени критериуми за себе и својата околина.

Ослободен од сите лоши енергии, од сите лоши мисли, од сè што прави да сомневам во себе.

Среќен во своето тело и ум, како креација на бог со сите предности и мани, и сè она што ме опкружува.

Се гледаме за кратко.
П. С. Воскресението иде...“

Таско некогаш:

Таско сега:

С. С. | Црнобело