Дечко од Италија запроси Македонка: „Знаеш дека е вистинскиот кога ќе те побара со прстенот од баба му“

Детали

понеделник, 23 декември 2024

„Мојот партнер Даниеле сакал запросувањето да се случи во Италија, токму во земјата од каде што потекнува и тоа со прстенот од баба му“, вели Сара, која е позната како наш еко активист.

Сара е магистриран архитект, родена е и израсната во Македонија, но има живеено во Италија и Франција.

Со својата другарка Кате го отвори профилот „Yes for Less“, каде порачуваат да рециклираме и да ја чуваме природата затоа што таа ни е сè.

Таа на овој Инстаграм профил откри дека нејзиниот сакан ја запросил и тоа со прстенот од баба му.

Уникатно и романтично, зарем не?

„Знаеш дека е вистинскиот кога ќе те запроси со прстенот од баба му“, напиша таа.

Запросувањето се случило за време на сафари во Италија, во градот Фазано.

Сара за запросувањето вели:

„После скоро 8 години заедно (од кои 3,5 години врска на далечина) Даниеле ме однесе во ЗОО сафари и ми се оствари една од желбите кои ги имав уште од мнооогу мала - да гушнам и галам зебра.

Тој сакал запросувањето да се случи во Италија, токму во земјата од каде што потекнува и тоа со прстенот од баба му“.

Прочитајте и Браво! Сара секои 4 години ја донира својата коса за заболените од рак и ги поттикнува и другите

С. С. | Црнобело