Евгенија Колев: „Првите денови во Дубаи беа хаотични, баравме стан на 40°C со две деца во количка“
- Детали
- четврток, 24 октомври 2024
„Барање станови на +40°C со Матиас и Давид во количка, средување документација, избирање на мебел, чистење, распакување… Сѐ тоа во 2 недели...“, споделува Евгенија Колев од Скопје, вљубеничка во фитнес, за преселбата во Дубаи.
Евгенија Колев од Скопје е модел и мајка на две деца, а сега заедно со сопругот и синовите Матиас и Давид, се пресели во Дубаи.
Евгенија на својот Инстаграм профил, каде има повеќе од 11.000 следбеници, дели совети за вежбање, како и модификации од вежби за во текот на бременоста, бидејќи таа дефинитивно беше една од најфит трудниците кај нас.
За преселбата во Дубаи, Евгенија се огласи на својот Инстаграм профил:
„Првите денови во Дубаи, иако беа хаотични, беа највозбудливите денови во мојот живот.
Барање станови на +40°C со Матиас и Давид во количка, средување документација, избирање на мебел, чистење, распакување… Сѐ тоа во 2 недели.
Сега конечно влегуваме во некоја рутина, целиот хаос пополека се стишува и дури сега станувам свесна колку голем чекор беше ова.
Има нешто посебно во почнувањето од почеток“.
Во текот на втората бременост, во јули 2023-та, Евгенија во интервју за CRNOBELO.com на тема нејзиниот фит изглед во бременоста изјави:
„Редовниот фитнес за мене е единствениот начин со кој ја одржувам линијата, со оглед на тоа што генетиката не е на моја страна.
Во првата бременост качив 30 килограми, што точно кажува каква е мојата генетика во однос на склоноста кон качување килограми.
Така што, немам баш простор да се опуштам и да се потпрам на генетиката.
Од друга страна, каква генетика и да имате, сѐ е залудно доколку не се посветите на физичката активност. Кога-тогаш генетиката ќе престане да ја игра поголемата улога“.
Како изгледаат првите денови од нејзиниот живот во Дубаи, погледнете на следната страница...
Би можело да ве интересира:
Препорачуваме
Најчитани неделава
