Наташа Фигурела цело лето е на грчки остров: „Првпат дојдов на Миконос во 2004 година и се заљубив во него“
- Детали
- петок, 20 септември 2024
„Почнав секоја година да доаѓам на Миконос бидејќи на овој остров се чувствувам слободна и своја“, споделува Наташа Фигурела за CRNOBELO.com, која ќе престојува на Миконос до крајот на септември.
Наташа Петровска, сопственичка на студиото „Фигурела“, цело лето го помина на грчкиот остров Миконос.
Атрактивната русокоса за CRNOBELO.com вели дека одлучила годинава да замине таму на долг одмор, слично како и претходните години, бидејќи ова место одлично ѝ годи на нејзиниот темперамент.
Од сончање и релаксација на плажа до денски забави во некои од најпознатите локали таму, Наташа дефинитивно мина лето за паметење.
Тренди наметки, фустани со отсечоци, различни модели на очила за сонце, таа секој ден ги прикажуваше своите модни комбинации од Миконос на Инстаграм.
Наташа ни откри дека наскоро се враќа во Скопје, а на прашањето зошто токму Миконос за CRNOBELO.com вели:
„Првпат дојдов на Миконос во 2004 година и тогаш се заљубив во овој остров. Направив пауза од неколку години и потоа почнав секоја година да доаѓам овде, бидејќи на Миконос се чувствувам слободна и своја.
Годинава дојдов во средината на јуни и ќе бидам тука до крајот на септември.
Го обожавам Миконос затоа што само тука не ја чувствувам летната горештина и кога е над 40 Целзиусови степени.
Исто така, Миконос за разлика од другите острови за забави, како што е Ибица, ми се допаѓа затоа што има и многу дневни забави, кои продолжуваат и навечер и траат до околу 3 часот по полноќ.
Не сум многу по ноќниот живот и затоа ми одговараат денските забави.
Плус, Миконос е романтичен и посебен, а тоа ја прави магијата уште поголема“.
Повеќе фотографии од нејзиниот престој таму:
Повеќе фотографии на следната страница...
Би можело да ве интересира:
Препорачуваме
Најчитани неделава
