Деспина, техничар за маникир од Скопје: „Од такт ме вади непојавувањето на термин на клиентките, треба да се воведе капар“

Детали

четврток, 05 септември 2024

„На моменти се прашувам дали сум маникир мајстор или психијатар, секој доаѓа да си го каже проблемот, маката и очекува за мала сума пари да си излезе со средени нокти, среден проблем и позитивна енергија“, вели Деспина Гоцева од Скопје.

Деспина Гоцева од Скопје речиси 5 години е сопственичка на салонот за нокти и шминка „Gossip Room“, кој е познат по комплетно розовиот ентериер.

Деспина постојано на својот Инстаграм профил отворено говори за убавите работи во нејзината професија, но и за проблемите со кои се соочува со клиентките.

https://www.instagram.com/p/ClCKyLyrBEn/

Таа отворено споделува што ѝ пречи најмногу:

„На моменти се прашувам дали сум маникир мајстор или психијатар, секој доаѓа да си го каже проблемот, маката и очекува за мала сума пари да си излезе со средени нокти, среден проблем и позитивна енергија. Но, тоа е дел од работата, го имам прифатено и не ме нервира толку.

Сепак, клиентот заборава дека како него имам уште 50 други клиенти и дека секој нивен проблем го слушам и се трудам да им помогнам, но жал ми е што мене никогаш не ме прашале како сум.

Интересно е тука што кога ќе дојдат како да не знаат како да се однесуваат. Ќе им кажам сврти ја обратно раката 10 секунди, а потоа стави ја да се суши, а тие ме гледаат како да не знаат што се случува, а гелот веќе се разлеал по прстите...

Потоа мора пак си одиме од почеток со целата постапка и така засекогаш решаваме „равенки“.

https://www.instagram.com/p/C2r5EDHMIBR/?img_index=1

Но, дефинитивно како еден најголем проблем со кој се соочувам во мојот салон за нокти, а претпоставувам дека е така и во другите професии е непојавувањето на термин, па затоа и трендот на оставање на капар сè побрзо доаѓа и кај нас.

Ова навистина е нешто што ми лежи на душата.

Доцнењето на клиентките ми ги менува сите планови, а ми влијае и на обврските како земање дете од градинка, одложување на секој термин по нив, ми го крати времето за пауза и појадок и создава револт како кај мене, така и кај останатите клиентки“.

https://www.instagram.com/p/CrOxETxLwSl/?img_index=1

С. С. | Црнобело