Моќна објава на Македонка: „Ми го исмејуваа детето на училиште затоа што носи храна од дома и има постар телефон“
- Детали
- понеделник, 02 септември 2024
„Претходната година имав дете на кое му се потсмеваа дека носи храна од дома, беше потсмевана и за стилот на облекување –‘Со чорапите на татко ти доаѓаш во училиште’, ‘Не ти е срам да доаѓаш со дуксер како вреќа?’, имавме и: ‘Не мислат твоите дека ти треба нов телефон?’..., споделува мајка од Македонија на Инстаграм.
Мајка и ќерка од Македонија го водат Инстаграм профилот „Sparkly Daughter“, на кој има повеќе од 12.000 следбеници.
Девојчето (11) е вљубеничка во танц, а заедно со мајка ѝ сакаат да испратат моќни пораки, кои ќе допрат до следбениците и ќе поттикнат на размислување.
Овој пат така беше со објавата по повод 1-ви септември.
Мајката на ова девојче напиша:
„1-ви септември е нов почеток за сите деца.
Да повториме дека сè што рефлектираат нашите деца доаѓа од дома.
Ние како родители сме одговорни како ќе се однесуваат во училиште.
Претходната година имав дете на кое му се потсмеваа дека носи храна од дома, беше потсмевана и за стилот на облекување –„Со чорапите на татко ти доаѓаш во училиште“, „Не ти е срам да доаѓаш со дуксер како вреќа?“, имавме и: „Не мислат твоите дека ти треба нов телефон?“...
Знам дека секојдневните разговори се клучни и не успеаја да ѝ делуваат лошите коментари, ама знам дека кај многу други деца тоа може премногу да влијае.
Разговарајте, секојдневно и многу.
Среќен почеток на новата учебна година!
Скромноста и доброто однесување никогаш не излегле од мода“.
Покрај оваа објава тие споделија и фотографија со испишани моќни пораки:
„Не е срамота да носиш храна од дома.
Не е срамота да си поддршка на некој кој не е прифатен од околината.
Не е срамота да си фин и љубезен со сите.
Срамота е да правите булинг.
Срамота е да сте невоспитани и безобразни.
Срамота е да правите поделба по која била основа.
Среќен почеток!“
С. С. | Црнобело
Би можело да ве интересира:
Препорачуваме
Најчитани неделава
