„Мизерна си“, „Грда“ - Девојче од Македонија испраќа моќна порака за штетноста на онлајн хејтањето

Детали

понеделник, 20 февруари 2023

„Во време кога секој има пристап до тастатура важно е да се знае дека секој коментар кажува многу повеќе за тој кој го пишува, отколку за оној за кого е наменет!“, гласи моќната порака која мајка и ќерка од Македонија ја испраќаат на навистина креативен начин.

Мајка и ќерка од Македонија го водат Инстаграм профилот „Sparkly Daughter“, на кој има повеќе од 12.000 следбеници.

Креативната мајка ги копира аутфитите на славните дами на симпатичен и забавен начин со работи кои ги имаат во нивниот дом, а нејзината ќерка е совршен модел за истите.

Тие користат работи од домот како стари обетки, фолија за готвење, ролните од тоалетната хартија, парчиња облека итн.

Но, покрај забавните креации, тие испраќаат и моќни пораки.

Овие мајка и ќерка од Македонија одлучија со написи да прикажат како изгледа онлајн хејтањето и колку тоа е штетно.

Со написи на бел аутфит покажаа какви ужасни зборови и навреди се користат на интернет и колку тоа може негативно да влијае на нечие ментално здравје.

Од „Мизерна си“, „Грда“ до „Кокошка“, „Одвратна“ и што уште не.

И од друга страна прават споредба како изгледа кога се користат убави зборови и пофалби.

„Прекрасна“, „“Браво, „Се горедам со тебе“...

Во описот на фотографијата од овој инспиративен аутфит со порака стои:

„Во време кога секој има пристап до тастатура важно е да се знае дека секој коментар кажува многу повеќе за тој кој го пишува, отколку за оној за кого е наменет!

Вие избирате што ќе напишете, а лошиот коментар во никој случај нема да направи да се чувствувате подобро, уште помалку ќе ве направи подобар човек… Моќта е во нас да бидеме примерот кој сакаме да го видиме во другите.“

С. С. | Црнобело