Со зурли и тапани сред село и преку 30 обичаи, Стефана и Даријан се венчаа на Галичка свадба 2024

Свадбените обичаи вечерта завршија со одењето по вода, кога невестата заедно со свадбарите оди на три чешми да наполни вода, а лицето ѝ е покриено со вел, за да се скрие од љубопитните погледи.

Галичката свадба продолжи во неделата наутро (14.07) со адетот познат како канење на мртвите, кога зетот со неколку свадбари ги посети гробовите на починатите.

Оттаму, сватовите и зетот заминаа во куќата на кумот за да го поканат на свадбата.

Адетите продолжија со бричењето на зетот, па свадбарите тргнаа по невестата.

Невестата ги пречека гостите во својата соба, од каде преку прстен го гледаше младоженецот.

Според адетот, таа додека го гледа идниот сопруг, изговара: „Низ прстен те гледам, в срце да ти влезам“.

Во дворот на невестинската куќа, свекрвата ја дарува невестата, а невестата, според традицијата, ѝ ги бакнува рацете на својата свекрва.

Таа потоа отиде сред село, каде сееше брашно.

Младенците се венчаа во црквата „Св. Петар и Павле“, од каде што отидоа сред село, играа ора и пееја, заедно со звукот на зурлите и тапаните. 

Галичка свадба е меѓу деветте фестивали во Европа кои мора да се видат, напиша „New York Times“ во 2018 година и ја стави Галичката свадба на својата листа.

Повеќе фотографии од Галичка свадба 2024 во галеријата:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

А. Ј. | Црнобело / фото: МЗ Галичник