Со зурли и тапани сред село и преку 30 обичаи, Стефана и Даријан се венчаа на Галичка свадба 2024
- Детали
- понеделник, 15 јули 2024
Стефана Димитрова и Даријан Кочоски вчера (15.07) се венчаа во црквата „Св. Петар и Павле“ пред нивните семејства, пријателите и гостите кои дојдоа од различни краишта од Македонија, но и Европа, за да бидат сведоци на годинешната Галичка свадба.
Стефана Димитрова и Даријан Кочоски беа годинешните младенци на познатата Галичка свадба.
Тие, исто како и младенците во годините пред нив, „истераа“ преку 30 традиционални обичаи, заедно со стотиците статисти, за сè на свадбата да изгледа автентично како во минатото.
Оваа година, невестата има галичко потекло, односно нејзините две баби се родени таму, во семејствата Чаловски и Веновски.
Па, пред и самата да стане невеста, Стефана десет години учествувала на Галичката свадба како статист, носејќи ја носијата на прабаба ѝ Докија Чаловска.
Стефана и Даријан ја продолжија децениската традиција, која е инспирирана од желбата на жителите на Галичник да ги сочуваат обичаите на Мијаците од заборав.
Двата дена свадбени активности кулминираа кога младенците го кажаа судбоносното „да“ во црквата „Св. Петар и Павле“.
Свадбените активности почнаа во саботата (13.07) со поставување на свадбарскиот бајрак, неговото китење и симболичниот чин на „фрлање“ три пушки од куќата на зетот.
Зетот со семејството ги пречека тапаните, па сите заедно заминаа на мостот во селото, каде што свекрвата го поведе свекрвиното оро.
Потоа, пред селската чешма, се играа ората „Невестинско“ и „Тешкото“, кои се симбол на пркосот и непокорот.
Продолжува на следната страница...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_104279_400.jpg)
![](https://www.crnobelo.com/media/com_jvrelatives/images/thumbs/com_content_106524_400.jpg)
![](https://www.crnobelo.com/media/com_jvrelatives/images/thumbs/com_content_109975_400.jpg)
![](https://www.crnobelo.com/media/com_jvrelatives/images/thumbs/com_content_111503_400.jpg)
![](https://www.crnobelo.com/media/com_jvrelatives/images/thumbs/com_content_104501_400.jpg)
![](https://www.crnobelo.com/media/com_jvrelatives/images/thumbs/com_content_110466_400.jpg)