Гоце Тодоровски и сопругата Тања прославија роденден во ист ден: „Заедно и во добро и во лошо“

Детали

четврток, 02 мај 2024

„Гоце и Тања Тодоровски родени на ист ден - како еден за друг, речиси целиот живот го потрошија заедно, а од нивната љубов се изродија синот Гоце и ќерката Сашенка“, стои во објавата на Фејсбук.

Гоце Тодоровски, еден од доајените на македонското глумиште, наполни 73 години, а на истиот ден, неговата сопруга Тања го прослави својот 69-ти роденден.

Иако Гоце не споделува скоро ништо за својот приватен живот преку социјалните мрежи, на фан страницата „Ѓорѓи Колозов“ на Фејсбук, беа објавени неколку фотки од роденденот на актерот и неговата сопруга, кои привлекоа големо внимание.

„Гоце и Тања Тодоровски родени на ист ден - како еден за друг, речиси целиот живот го потрошија заедно, а од нивната љубов се изродија синот Гоце и ќерката Сашенка.

На 30.4.2024 нашата легенда Гоце наполни 73 години, а неговата сопруга 69 години. Заедно и во добро и во лошо. Па и на овој ден, скромно, но идилично во кругот на семејството!

Денес на гости им отидоа ќерката и зетот Боби.

Фотографиите ми ги испрати Сашенка.

А јас на овие шармантни и убави луѓе им посакувам заедно да влезат во уште многу подлабока старост, со насмеани лица и весели души како што доликува на нашиот македонски актерски доајен Гоце кој цел живот слатко не засмеваше преку малите екрани“, напиша админот на страницата, Горан Марковски.

А. Ј. | Црнобело