Гоце Тодоровски и Кирил Ангеловски се дружат и во пензионерските денови: „Колегите ни заминаа, останавме ние“

Детали

четврток, 04 април 2024

„Ех Кире, Кире - поминавме сито и решето заедно! Повеќето колеги ни заминаа, останавме уште ние, со носталгија да се потсетуваме на минатите дни“ - пишува на Фејсбук, покрај фотографијата на пензионираните актери Гоце Тодоровски и Кирил Андоноивски.

Актерите во пензија, Гоце Тодоровски и Кирил Андоновски, вчера (03.04) се дружеа во Градскиот парк во Скопје.

Седнати на една од клупите во паркот, пие пиеја кафе „за носење“ и си спомнуваа за минатите времиња.

Фотографија од нивната дружба беше објавена на Фејсбук страницата „Ѓорѓи Колозов“, а Горан Марковски, кој ја уредува страницата, пренесе дел од нивниот разговор.

„Ех Кире, Кире - поминавме сито и решето заедно! Небројана минутажа пред камера, безброј улоги заедно на сцената, повеќето колеги ни заминаа, останавме уште ние, со носталгија да се потсетуваме на убавите минати дни“, пишува во објавата.

Марковски во коментарот за фотографијата вели:

„Ако некогаш поминете и ги сретнете овие две живи легенди, со почит отпоздравете ги, затоа што ни подарија прекрасно детство, ненадминливи дела кои до ден денес ни ја греат душата!

Гоце Тодоровски и Кирил Андоновски - бардови, доајени и ветерани на македонското глумиште и приказните, денес уживаа под сончевите зраци во паркот!

Почит за нивниот лик и дело! Живи и здрави барем до стотка“.

А. Ј. | Црнобело