Ретро мода и неповторливи времиња - Ребека објави носталгични фотки со Тоше, Каролина и Андријана во Сиднеј
- Детали
- среда, 20 март 2024
Со фотографии направени пред 24 години, Ребека се потсети на минатото, кога заедно со Тоше, Андријана и Каролина беа на турнеја во Австралија - убави и неповторливи времиња кои будат носталгија...
Ребека Јанковска Ристески ја разбуди носталгијата по едни минати времиња и кај своите колеги музичари, но и кај оние што ја следат на Инстаграм.
Таа на својот профил објави видео склопено од ретро фотографии, направени во 2000 година, заедно со Андријана Јаневска, Тоше Проески и Каролина Гочева, кога беа на турнеја во Австралија.
Па освен што одржале неколку концерти, пејачите посетиле и кошаркарски натпревар на Олимписките игри, кои во тоа време се одржуваа во Сиднеј.
На фотографиите од пред 24 години, може да се види како Тоше ја крева Ребека во раце пред кошаркарскиот стадион, но и како седат заедно во McDonalds, каква била модата во тоа време, а и дека сите имаат исти капчиња со логото на Олимпијадата, како убав спомен од Сиднеј.
Ова се едни од ретките фотографии што Ребека ги објавила од тоа време.
Пред неколку години и Андријана Јаневска ги изненади фановите кога сподели фотка на која се таа, Тоше Проески и Каролина, а е направена за време на нивната австралиска турнеја.
А. Ј. | Црнобело
Би можело да ве интересира:
Препорачуваме
Најчитани неделава
