Игор Џамбазов емотивен на роденденот на дедо му Петре Прличко: „Неговата среќна ѕвезда сè уште ме заштитува“

Детали

среда, 13 март 2024

„Денес ќе наполнеше 117 години. И малку ќе му беа. Толку многу го сакаше животот“ – напиша Игор Џамбазов до неговата заедничка фотка со дедо му Петре Прличко, а по повод неговиот роденден.

Нашиот актер и шоумен Игор Џамбазов, по повод роденденот на неговиот дедо Петре Прличко, великанот на македонската театарска и филмска сцена објави нивна заедничка фотографија од детството со која ја потсети целата македонска јавност на него.

До фотката на која е во прегратките на таткото на неговата мајка, Анче Џамбазова, Игор напиша:

„Денес ќе наполнеше 117 години.

И малку ќе му беа. Толку многу го сакаше животот. Малку повеќе го сакаше филмот.

А најмногу театарот. Јас му бев на солидното шесто место. Но, научив од него работи кои ги нема во книгите, скриптите и енциклопедиите.

Научив како се сака оваа наша професија.

Мојот славен дедо 5-ре.

Неговата среќна ѕвезда сè уште ме заштитува. Исто како и на оваа црно-бела фотка од ’Волшебниото самарче’ …“

За потсетување, Петре Прличко беше истакнат македонски актер во повеќе филмови, театарски претстави и телевизиски екранизации.

Велешкиот народен театар „Јордан Хаџи Константинов“ и општина Велес од 2006-та година доделуваат награда за животно дело во чест на славниот актер, насловена „Петре Прличко“.

Наградата се состои од плакета на ликот на Прличко и паричен износ, и се доделува за животно дело, а годинава наградата му припадна на македонскиот актер Тони Михајловски.

„Голема чест ми е да сум носител на награда со такво големо име. Благодарам на Велес и на колегите кои одлучија јас да се вбројам меѓу лауреатите. Се надевам уште долго ќе ја носам“ - напиша Тони на Фејсбук.

https://www.facebook.com/toni.mihajlovski/posts/pfbid0dGANf4BRXGwkQgw3vWP8r6AYxdCuasE1nKDowqqpQs42Nt2D8vMR8CxSAtXDAZvxl

Б. С. Б. | Црнобело