Христина Пан за тешката битка и хемотерапијата на ќерка си (1): „По 3 тешки месеци, излеговме од болница на кратко“
- Детали
- четврток, 28 септември 2023
„По 3 тешки месеци, излеговме од болница. Нашата борба не е завршена, ама до мене ја имам најхрабрата девојка и не се сомневам во неа, а уште помалку во Господ“, напиша на Инстаграм Христина Пан, која пред извесен период откри дека една од нејзините ќерки близначки е болна и прима хемотерапија.
Христина Младенов, која на Инстаграм е позната како @hristinapan, по неколкугодишната борба со неплодност, во јули 2022 стана мајка на близначки.
Но, брзо пред нејзините ќерки Тара и Хана да наполнат една година, таа во јавноста откри дека едното од бебињата е болно и почнало да прима хемотерапија.
Три месеци подоцна, со емотивна објава на Инстаграм, Христина откри дека таа и ќерката Тара конечно излегле од болница на неколку дена.
Иако нивната борба не е завршена, таа сега ќе се обиде да го надокнади и загубеното време со Хана, која последниве месеци растела без сестричката близначка и без мајка си.
„После 3 тешки месеци, излеговме од болница. Нашата борба не е завршена, ама јас до мене ја имам најхрабрата девојка и не се сомневам во неа, а уште помалку во Господ.
Имаме неколку дена пауза, ќе ги искористиме на максимум со Хана и колку што можам да им надокнадам за изгубеното време“, напиша Христина.
Таа се заблагодари и на сите што им давале поддршка во најтешките денови.
„Чекавме вакви убави вести од вас“,
„Сонце мало, Господ е со вас, сите сме со вас“,
„Тара е борец најголем и ќе биде победник во оваа борба“,
„Браво, храбри девојки“, „Херој дете, херој мајка, да расте безгрижно“, се дел од пораките што ги доби Христина на Инстаграм.
Пред да ги добијат близначките, Христина и нејзиниот сопруг две години се обидувале да добијат дете, а за тоа таа говореше во интервју за CRNOBELO.com.
Прочитајте и Христина Младенов: „Во борбата со неплодност душевната болка е неподнослива, но денес ги имам моите Хана и Тара“
А. Ј. | Црнобело
Би можело да ве интересира:
Препорачуваме
Најчитани неделава
