Драган Спасов Дац и Александар Митевски со сопругите на викенд во Дојран - слават со специјален повод

Детали

четврток, 14 септември 2023

Пред 4 години за првпат запеа дуото Дац и Александар Митевски, а сега (септември 2023-та) тие двајца годишнината ја прославија со семеен викенд и покажаа од каде ја црпат енергијата, волјата и инспирацијата за да креираат нова музика.

Актерот Драган Спасов-Дац и музичарот и текстописец, Александар Митевски годинава слават 4 години од формирањето на нивното дуо „Дац и Александар“, а по тој повод заминаа на семеен викенд во Дојран, од каде споделија убава семејна фотографија.

Драган Спасов Дац со сопругата Весна со ќерката Јана, Александар Митевски со сопругата и ќерките Ања и Мања... Сите заедно се собрани на заедничката фотографија што тие ја објавија на Фејсбук, а во описот на фотографијата напишаа:

„Нѐ прашуваат: ‘Кога се одморате и од каде наоѓате толку енергија, волја, љубов и инспирација? Поддршката која ја имаме од семејството е ‘среќа на среќата’ . Одиме понатаму!“

Инаку дуото „Дац и Александар“ за првпат запеа на 7-ми септември 2019-та година кога на фестивалот „Охрид Фест“ ја испеаја песната „Цреши охридски“ и го освоија второто место.

Во јуни годинава тие ја објавија баладата „Срце на робија“, која брзо стана вистински хит, а е инспирирана од вистинска приказна.

Инаку, Дац и Александар најавија и бесплатен концерт во Скопје, кој ќе се одржи на Зелениот покрив на ГТЦ на 29 септември од 20:30 часот. 

Б. С. Б. | Црнобело