Билјана Јаневска: „Баба Ѓурѓа (92) продава цвеќе во Карпош за да ги прехрани внучињата, дури и со гипс на раката“

Детали

четврток, 10 август 2023

„Драги мои ова е фамозната баба Ѓурѓа која што изминатиов период беше постирана на повеќето портали. Баба Ѓурѓа има 92 и веќе влегува во 93-та година. Таа секој ден од попладневните часови, па сѐ до вечер продава цвеќиња. Но, сега има гипс – паднала додека ги местела цвеќињата“, гласи објавата на Билјана Јаневска, која е трогната од оваа инспиративна жена.

Приказната за баба Ѓурѓа која има 92 години и продава цвеќиња во скопската населба Карпош за да ги прехрани своите внучиња веќе извесен период кружи низ медиумите и секој што ќе ја прочита не може, а да не остане трогнат од големината на срцето на оваа храбра жена.

Таков бил случајот и со Билјана Јаневска, хумана Македонка, која одлучила да појде на местото каде баба Ѓурѓа постојано продава цвеќе и да се запознае со неа.

За жал, ја затекнала со гипс на раката.

Нејзината емотивна објава гласи:

„Драги мои ова е фамозната баба Ѓурѓа која што изминатиов период беше постирана на повеќето портали. Баба Ѓурѓа има 92 и веќе влегува во 93-та година. Таа секој ден од попладневните часови, па сѐ до вечер продава цвеќиња кај Тinex до Рибен Ресторан Сидро 2 во Карпош за да ги нахрани внучињата.

Ме заскокотна тоа што го прави бабево, па решив денес после работа да појдам и да ја побарам, за да ја прашам како е и што ѝ треба.

Бабево видно изненадено си раскажа и зошто има гипс на раката.

Ми падна жал, душичка. Паднала додека ги местела цвеќињата.

Па, затоа јас ја израдував и реков да нé чека утре и ќе ѝ донесеме сѐ што е потребно и во наша моќ.

Не ја одбегнувајте баба Ѓурѓа, има навистина тажна судбина. Ѝ погледнав во очите и носи голема болка.

Полна со љубов, се гледаме утре бабе.

Ве повикувам и сите Вас Карпошани да ѝ купите цвеќе за да може да преживее и да ги нахрани своите внучиња“.

https://www.facebook.com/BiljanaJanevskamwt/posts/pfbid0HQRMQoydE41hBw6HVSv9dVm39PFXcKCp548kjZ2LcyGqfMGFPAsK8uapSTQbd6FPl

С. С. | Црнобело