Ноне повторно замина на брод и објави фотки со мистериозен дечко: „Имам и машки пријатели“

Детали

среда, 22 март 2023

Откако на Инстаграм сподели фотографии со мистериозен маж, за кој напиша дека се вика Филип, многумина почнаа да се прашуваат дали е тоа новиот дечко на Ноне.

Поранешната пејачка Ноне Неделковска, иако долги години не е дел од јавната сцена, не престанува да привлекува внимание. Некогаш тоа е со изгледот, другпат со егзотичните дестинации што ги посетува, а често и со љубовниот живот.

Па откако на Инстаграм сподели фотографии со мистериозен маж, за кој напиша дека се вика Филип, многумина почнаа да се прашуваат дали е тоа новиот дечко на Ноне.

Во краток разговор за CRNOBELO.com, Ноне вели дека не секој маж со кој ќе објави слика ѝ е нова љубов.

„Преку десет години работам на брод и запознав многу пријатели и сè уште сме во контакт. Ако ставам слика со некој пријател не значи дека сум во љубовна врска. Јас, како и многу други, се разбира, имам и машки пријателства коишто многу ги ценам“, ни рече Ноне.

Tаа ни откри и дека во моментов крстари низ Канарски Острови.

„Тоа е една од моите омилени дестинации. Секогаш сум среќна кога се враќам тука. Америка ќе ми биде следна дестинација и таму ќе откривам нови места“, додаде таа.

А. Ј. | Црнобело