Дечиња извадени од урнатините, човек плаче со мртвиот син во раце - Трогателни моменти од Турција и Сирија по земјотресите (видео)

Детали

вторник, 07 февруари 2023

Сириец кој плаче со мртвиот син во раце, откако загубил 12 члена од семејството во катастрофалниот земјотрес, видеа од дечиња што ги извлекуваат од под урнатините во Турција... Социјалните мрежи се преплавени со потресни видео снимки од случувањата во Турција и Сирија по катастрофалниот земјотрес, во кој досега (7-ми февруари, 8 часот) 4.300 лица ги загубиле животите.

По силниот земјотрес со епицентар во Пазарџик, што се случи вчера (06.02) околу 4.17 часот наутро и кој беше со јачина од 7.7 степени според Рихтеровата скала, Турција и Сирија беа погодени од уште неколку силни земјотреси.

На социјалните мрежи масовно се споделуваат фотографии и видеа од урнатините и од луѓето што очајно се обидуваат да ги спасат своите најблиски.

Околу 13.24 часот Турција била погодена од уште еден силен земјотрес со јачина од 7,6 степени според Рихтеровата скала. Во Турција се погодени вкупно 10 градови.

Според последните податоци (од 07.02, во 8 часот наутро) во Сирија и во Турција животите ги загубиле вкупно 4.300 лица, но како што пишува светската новинска агенција Reuters ова е еден од најсилните земјотреси што се случил во целиот свет во периодот од 2013-та до 2022-ра година.

Се смета дека земјотресот во Турција и во Сирија бил 250 пати посилен од оној што се случи во Италија во 2016-та година.

Спасените жители панично се вклучуваат во потрагата по своите најблиски, а оние што ги загубиле најблиските не можат да го скријат очајот и тагата.

Дечиња извлечени од под урнатините, луѓе кои панично трагаат по своите најмили, тела од починати лица на улица... Глетката од Турција и од Сирија е застрашувачка.

На социјалните мрежи се споделуваат голем број потресни снимки и видеа од хаосот, погледнете дел од нив:

Разурнати згради во Турција

https://twitter.com/araratpetrosian/status/1622851149106667520

Луѓето панично ги бараат своите роднини низ урнатините

https://twitter.com/sadqajariyah1/status/1622850699569795072

Момче го носат на носилка откако 28 часа било заробено под урнатините

https://twitter.com/yorukhunnn/status/1622849867721715712

Снимка од дрон од урнатините во Турција

https://twitter.com/asianewsteam/status/1622846280031670276

Детенце заробено под урнатините во Турција

https://twitter.com/Capricorns66/status/1622836416530055168

Спасување на малечко девојче заробено под урнатините

https://twitter.com/PCMohanMP/status/1622850145930084352

Човек плаче откако 12 членови на неговото семејство загинале во земјотресот во Сирија

https://twitter.com/Gadhwara27/status/1622849034716348416

Девојче што било спасено од урнатините во Сирија, откако го загубило цело семејство

https://twitter.com/AnilKumarVerma_/status/1622848435740368900

 Б. С. Б. | Црнобело