Српска пејачка направи „лажна“ свадба од 30.000 евра, па стапи во брак во православна црква во Дубаи (фото)
- Детали
- недела, 13 ноември 2022
Пред еден месец направија гала свадба која чинеше 30.000 евра и на која присуствуваа најголемите имиња на српската естрада, меѓу кои и Цеца Ражнатовиќ, но не стапија во брак затоа што не сакале да стануваат рано. Се венчаа еден месец подоцна во православна црква во Дубаи, подалеку од медиумите, а во присуство само на најблиските. Српската пејачка Вања Мијатовиќ и нејзиниот сопруг Александар Манџукиќ направија две свадби за паметење во рок од еден месец.
Српската пејачка Вања Мијатовиќ и нејзиниот долгогодишен партнер Александар Манџукиќ во октомври направија гала свадбена прослава во Белград, на која присуствуваше речиси цела српска естрада.
Тоа беше луксузна прослава на која присуствуваа голем број српски ѕвезди и музички имиња, меѓу кои и Цеца Ражнатовиќ.
Пејачката привлече големо внимание со венчаницата со длабоко деколте во која практично целосно ѝ се гледаа градите.
Сепак, она што изненади многумина е тоа што Вања и Александар на прославата што се случи во октомври воопшто не стапија во брак, па таа во изјава за српските медиуми појасни:
„Ние одлучивме сега да организираме прослава, а венчавката да ја одложиме за некој друг ден. Александар и јас не сакавме да стануваме рано тој ден, сѐ да биде временски згуснато и да ги малтретираме гостите да присуствуваат на црковна и општинска венчавка.
Решивме прво да направиме забава, а потоа општински да се венчаме во кругот на најмилите, но сѐ уште немаме закажано термин“ – рече таа.
Сега, еден месец подоцна, пејачката на Инстаграм објави фотографии од црковната свадба која ја направиле во Дубаи.
„Чест ни е што нашиот брак е првиот српски брак што беше склучен во Дубаи“ – напиша таа до фотографиите од црковната венчавка.
Како што може да се види, во оваа прилика, пејачката избрала многу поскромна и поедноставна венчаница од првата, а речиси сите се сложни дека вториот поскромен фустан многу подобро ѝ стои од првиот.
Погледнете повеќе фотографии на следната страна...
Би можело да ве интересира:
Препорачуваме
Најчитани неделава
