Се проби со помош на Реља, заработува илјадници евра, а живее под кирија – Факти за Цоби, српскиот рапер и продуцент

Детали

сабота, 09 јули 2022

Каде и да оди го прогонуваат девојки, а тој е верен на неговата сакана и вели дека таа му е најголема поддршка од почетокот. Признава дека најголемите пари почнал да ги заработува од фолкерите, но сѐ уште живее под кирија - факти за најпознатиот српски продуцент Цоби, познат по почетокот на песните со: „Cobi jesi ti radio traku?“...

Слободан Вељковиќ, попознат како Цоби е српски рапер, текстописец и музички продуцент, а неговиот потпис стои зад голем број песни на српската музичка сцена, од Стоја и Дара Бубамара до Реља Поповиќ, Николија и други.

https://www.instagram.com/p/CZrkFmdrG-g/?utm_source=ig_web_copy_link

Вели дека не одбива да соработува со кој било музичар сѐ додека има пари да му плати, а признава дека иако заработува огромни суми, сепак сѐ уште живее под кирија и воопшто не се променил.

Цоби (37) почнал да се занимава со музика уште во средно училиште, а во 2005-та година ги снимил своите први песни. Тој пораснал во Прокупље, Јужна Србија, а во 2007-ма година со цел да се посвети на сопствената кариера одлучил да се пресели во Белград.

„Почнав да му праќам музика на Реља, а тој ме викна да дојдам во Белград и така почнавме. Работевме кај него дома, каде правевме музика за реклами, музика за други рапери“ - раскажува Цоби.

https://www.instagram.com/p/Ce1b0qXMGKe/?utm_source=ig_web_copy_link

Тој вели дека е самоук музичар, чиј татко работел како наставник по музичко образование во Прокупље, а паралелно свирел и на свадби. Оттука, неговото познавање за музиката е собрано половина од класичната настава, половина од свадбите.

Денес е најбараниот српски продуцент, а се смета дека секоја негова песна загарантирано ќе стане хит. Како што вели, тој не бира дали ќе работи со фолкери или со рапери, секој музичар што има пари може да работи со него.

Признава дека најдобрите пари ги заработува од фолк музичарите. Тој открива дека оние што се добри фолк музичари, но не се пробиени заработуваат околу 500 евра од вечер, а оние што се славни земаат од 2.000 евра па нагоре.

„Цел живот работев со рапери и немав пари ниту за кирија, така што ова што го правам е многу посиплатливо“ - вели тој.

https://www.instagram.com/p/CV41-ftoaHr/?utm_source=ig_web_copy_link

Инаку, Цоби во една прилика откри дека парите што ги заработува не го промениле воопшто и дека сѐ уште живее под кирија.

https://www.instagram.com/p/CeitHMaOItx/?utm_source=ig_web_copy_link

Она што особено привлекува внимание е тоа што иако познатиот продуцент постојано е опкружен со убави девојки, тој долго време е со неговата девојка Јелена Николиќ, која е позната блогерка и работи како инсципиент во театар.

„Девојчињата се однесуваат како девојчиња и сето тоа е нормално и доаѓа со работата што ја работам. Знае дури и да биде симпатично, но мене мојата девојка ми е најдобра и тука се завршува секоја приказна. Таа е со отворен ум и ми е ветар во грб од самиот почеток“ – вели Цоби.

фото: Инстаграм

Инаку Јелена е одговорна и за реченицата Cobi jesi ti radio traku, со која започнуваат сите песни на Цоби. Токму нејзиниот глас го слушаме на почетокот на сите песни што ги направил тој, а благодарение на таа реченица популарноста нагло му порасна.

Б. С. Б. | Црнобело