Хрват изоде 107 метри под вода во еден здив и го сруши Гинисовиот рекорд: „Можев и подобро“

Детали

недела, 01 мај 2022

Замислете само да држите здив околу пет минути под вода, а потоа замислете и да чекорите на дното на полн базен. Ова му успеа на хрватскиот нуркач Витомир Маричиќ кој го сруши Гинисовиот рекорд за најдолго одење под вода во еден здив.

Хрватскиот нуркач Витомир Маричиќ го сруши Гинисовиот рекорд за најдолго одење под вода во еден здив. Тој успеа да изоди 107 метри на дното на базен во Опатија, во еден здив, за пет минути.

Со тоа Витомир го сруши рекордот што претходно го држеше друг Хрват, Борис Милошиќ, кој во 2020-тата година успеа да изоди 96 метри во еден здив.

Витомир вели дека не чувствувал потреба да тренира премногу за да го сруши Гинисовиот рекорд.

„Како професионален нуркач немам потреба премногу да се подготвувам за рушење рекорд со задржување на здивот“ – вели тој и додава дека би можел под различни услови да сруши повеќе рекорди.

Тој смета дека и во однос на сегашниот резултат за одење под вода би можел да постигне поголеми успеси во иднина.

„Можам многу подобро, но, ова се снимаше во живо и затоа сакав да бидам внимателен и прецизен“ – открива нуркачот.

Витомир кој по потекло е од Ријека пред 4 години почнал да се занимава со професионално нуркање.

Погледнете го видеото од соборувањето на Гинисовиот рекорд:

Витомир редовно објавува фотографии нa неговиот Инстаграм профил, погледнете дел од нив:

Б. С. Б. | Црнобело