Пластична операција на носот, ја обожава ќерката на девојка си: Каде е и што прави Саша Ковачевиќ периодов?
- Детали
- четврток, 10 март 2022
Саша Ковачевиќ во неодамнешното гостување во „Амиџи шоу“ откри интересни детали од своето секојдневие, а на прашањето „Кога свадба“, се пошегува „Од понеделник...“. Тој во свој стил повторно беше вистински кавалер – одмерен, културен и насмеан и истакна дека ќеркичката на неговата девојка, која таа ја има од бракот со Богдан Срејовиќ (бившиот на Цеца), ја сака како своја ќерка.
Саша Ковачевиќ деновиве гостуваше во „Амиџи шоу“ и повторно покажа дека е вистински кавалер и заводник.
Одмерен во зборувањето, постојано насмеан, културен кон дамите од околината и со прекрасна енергија, тој остави навистина добар впечаток, нешто што е веќе добропрепознатливо за него.
фото: Инстаграм Амиџи шоу
Испеа многу песни, меѓу кои неколку и со Жељко Самарџиќ, свиреше на гитара и клавијатура, а истакна и дека Жељко е негов идол од детството и би му било задоволство да има заеднички настап со него некогаш.
Саша потврди дека е вљубен, но на прашањето „Кога свадба“, се пошегува - „Од понеделник...“, односно не откри детали за тоа како напредува врската со неговата сакана Зорана Тасовац.
Но, добро е познато дека парот живее заедно, има одличен однос, а Саша и овојпат истакна дека најголемо задоволство во животот му се прегратките и игрите со малата Искра, ќеркичката на Зорана од првиот брак.
Зорана ја има Искра од бракот со Богдан Срејовиќ, неодамнешниот партнер на Цеца Ражнатовиќ.
Саша доби и прашање од фановите „Дали има пластични операции на себе“, на што тој само кусо рече дека не сака повеќе да коментира на темата.
Во 2020-та пејачот имаше корекција на носот, но пред сè поради здравствени проблеми, односно девијација на носната шуплина, по што неговиот нос беше драстично помал.
Некогаш
Сега
Кружат гласини дека има и други зафати на лицето, но пејачот ги негира и не сака да говори на темата.
Саша откри дека е зависник од фитнес тренинзите, дека во неговите спотови и понатаму планира да ги има најубавите девојки, затоа што тоа веќе станало препознатлив знак за него, а призна дека со некои од нив бил и во врска.
Како најубава од сите девојки што се појавиле во неговите спотови ја истакна Јована Швоња.
Прочитајте ја животната приказна на Јована Швоња - Ѝ изгоре 50% од кожата, ја поврзуваа со Саша Ковачевиќ: Бурниот живот на една од најубавите Србинки
Погледнете го целото гостување на Саша Ковачевиќ:
https://www.youtube.com/watch?v=r1S0z1GQBQ4
Неговата најнова песна:
С. С. | Црнобело
Би можело да ве интересира:
Препорачуваме
Најчитани неделава
