Лилјана од „Тома“, жената која го расплака целиот Балкан – која е актерката што маестрално ја одглуми улогата? (фото)
- Детали
- недела, 23 јануари 2022
Паулина Манов (46) ја игра улогата на Лилјана во „Тома“, сопругата на докторот на Тома Здравковиќ. Таа воодушеви многумина со својата интерпретација. Очите на Паулина имаат неверојатна моќ да доловат емоции поради кои гледачите не можеа да си ги задржат солзите.
Денес ја нарекуваат „жената која ја расплака цела Србија“, додека со години таа важела за жената која театарската публика ја обожава.
Паулина зад себе има бројни улоги во филмовите „Apsolutnih sto“, „Bumerang“, „Kamiondžije“ и „Nek ide život“.
Лекцијата што ни ја одржа Паулина, односно Лилјана, е дека животот е толку кревок, но и краток и дека понекогаш е лесно да се изгубиме во одлуките кои нè оддалечуваат од себеси.
Еве што изјавила Паулина за една од најемотивните сцени во „Тома“ кога танцува со нејзиниот сопруг за време на приватниот концерт со популарниот пејач.
„Мислам дека луѓето плачат на оваа сцена од неколку причини, се сеќаваат на својата немоќ. Можеби таа ги потсетува на пропуштените можности, што можеле, а што не можеле да направат, а можеби многумина препознаваат дека ја носат одговорноста и очекувањата на другите луѓе во текот на нивниот живот.
Човек може да се разболи од сето тоа. На сетот имаше солзи, се разбира, како што видовте, тоа беа вистински солзи. Актерството е колективен спорт, а ние одлично се снајдовме, Петар, Милан и јас“.
Пред да се врати на филмското платно, таа работела речиси десет години и имало период во кој се здебелила дури 30 килограми.
Таа не криела дека поминала низ емотивни и креативни кризи, но тој период ѝ бил најубав во животот бидејќи се омажила за драматургот Владимир Ѓурѓевиќ и родила две деца.
„Го сакав моето тело и не ми пречеше да имам вишок сало, бидејќи Мина (ќерката) можеше да се потпре и да се чувствува удобно на него.
Немав огледало да се видам, само забележав дека не можам да ги облечам работите што ги носев порано, но исто така ми стана потешко да се движам и почнав да чувствувам како да имам друга личност завиткана околу мене“.
„Откако престанав со доењето, почнав да држам диета и имав напорни тренинзи и многу брзо играв улога на девојка во театарот.
Имав голема поддршка од моето семејство, конкретно од сопругот и мајка ми, кои на мое барање престанаа да внесуваат пиво, сланина и сирење во куќата.
Она што ми беше многу важно во целиот процес е тоа што се засакав себеси“.
Дислексијата, со која Паулина се бори и денес, ѝ создава прилично големи проблеми, особено на работа, а иако криела што се случува, ова го забележале и нејзините колеги, особено за време на пробите со читање.
https://www.instagram.com/p/B3WpGM_oHB6/
„Не ми беше дијагностицирана бидејќи во моето време, кога одев во основно училиште, во осумдесетите, не се знаеше дека воопшто постои и дека може да се дијагностицираат тешкотии во читањето.
Едноставно се сметаше дека не знаете да читате и тоа е тоа. Вежбајте повеќе, работете повеќе и готово“.
„Секогаш кога некој ми вика да прочитам нешто, се потам и имам многу голем проблем. Тоа е многу голема непријатност и многу ми е тешко кога треба да прочитам непознат текст во јавност“, објаснува Паулина, посочувајќи дека дислексијата е нарушување со кое сè уште се бори.
(О)Милена | Црнобело
Би можело да ве интересира:
Препорачуваме
Најчитани неделава
