Во Турција има нива со џиновски зелки – тежат и до 40 килограми (фото)

Детали

среда, 20 октомври 2021

Доаѓа сезона за подготвување кисела зелка, а во Турција, верувале или не, се продаваат зелки што тежат од 25 до 40 килограми.

Во турските медиуми особено внимание привлече човекот Хајати Елбистан кој на неговата нива одгледува џиновски зелки што тежат колку едно буре со кисела зелка (од 25 до 40 килограми). Да, да една зелка тежи толку!

„Ги садиме зелките во мај и ги продаваме во октомври. Не користиме никакви хемикалии или адитиви, а користиме арско ѓубре, а поради тоа се мошне популарни кај потрошувачите“ – вели тој.

Сепак, џиновските зелки во Турција се мали во споредба со најголемата зелка што била измерена во светот во 2012-та година во Аљаска и која тежела 62.71 килограми.

Погледнете во продолжение повеќе фотографии од нивата со џиновски зелки во Турција:

Б. С. Б. | Црнобело