„Домот ни се тресеше како брод“ – Снимки од силниот земјотрес кој ја погоди Грција

Детали

среда, 03 март 2021

Земјотресот кој утринава се почувствува и низ градовите во Македонија, всушност беше со епицентар во Грција, во близина на Лариса, а покрај силниот земјотрес од 6.3 степени по Рихтер, имаше уште низа последователни послаби потреси.

Утрово околината на Трикала и Лариса ја погодија неколку послаби потреси од 2-3 степени според Рихтер, по кои следеше силен од 6.3 степени, кој се почувствува дури и во Македонија.

По овој силен земјотрес, тлото во Грција не е мирно и досега беа регистрирани уште десетина афтершокови од 3 до 5 степени, a сеизмолозите за грчките медиуми велат дека веројатно тоа бил најсилниот потрес, но не можат со сигурност да потврдат дека нема да има посилен. 

Граѓаните веднаш по силниот земјотрес ги напуштија домовите и според видео-снимките ги преплавија улиците.

Според сведоштвата на сајтот на Европско-медитеранскиот сеизмолошки центар, оние во близина на епицентарот велат дека траел долго, паѓале работи и домот им се тресел како брод. 

Во местата каде што има постари градби има и оштетувања на објектите, а локалците велат дека не почувствувале посилен земјотрес. 

Надлежните препорачуваат граѓаните да останат да отворено и да пријават ако забележат штети. 

Некои успеале да го уловат моментот на потресот (повеќето се од силниот), а на социјалните мрежи се споделуваат и снимки од безбедности камери во локали:

https://www.youtube.com/watch?v=V6IcXhmb7Gk&ab_channel=indianbackpackereurope

https://www.youtube.com/watch?v=Z6zjDt5HsSM&feature=emb_title&ab_channel=Xalasis715

https://twitter.com/evgenia_fili/status/1367073736613130241

https://twitter.com/Sotiridi1/status/1367081798149234689

М. М. | Црнобело