Еден месец гратис престој во Хрватска ако помогнете за спасување на делфините и желките

Детали

вторник, 11 јуни 2019

Moжете да аплицирате веднаш за оваа работа од соништата. Две седмици на островот Лошињ, а потоа две на пат низ Хрватска.

Ако сте страстни за морскиот свет, ова е совршена можност за вас. Луксузна крузерска компанија Unforgettable Croatia нуди стипендија за една личност која ќе мине еден месец патувајќи низ Хрватска и волонтриајќи за спасување на делфините и желките.

Договорот е направен со една непрофитна организација со научници која работи на зачувување на животната средина.

Волонтирањето е планирано за летото 2020 година, а престојот првите две седмици ќе биде на хрватскиот остров Лошињ. Задачата е да бидете на терен со истражувачките бродови, а потоа да ги анализирате собраните податоци за делфините, морските желки и останатата популација на морето.

Можно е да видите и по 50 делфини дневно, а вторите две седмици ќе патувате низ останатите делови од Хрватска.

Аплицирањето започна од 8-ми јуни 2019 година, а можете да аплицирате ТУКА!

С. С. | Црнобело