Вознемирувачко видео со малтретирање коњ го потресе цел регион – Карлеуша нудеше пари за случајот да добие разрешница

Детали

вторник, 15 април 2025

„За мене не постои друга поделба освен на добри и лоши луѓе. А најлошите се тие што малтретираат животни. Треба да се бориме во име на оние кои немаат глас“, напиша Јелена Карлеуша откако понуди 1 милион динари за да се пронајдат злосторниците, кои малтретирале коњ во Босна и Херцеговина. И, за среќа, пронајдени се и уапсени.

Јелена Карлеуша, потресена од снимка на која непознати лица крвнички малтретираат коњ, понуди награда во износ од еден милион динари со цел да ги дознае имињата на сторителите.

Јелена, која е позната како вљубеник во животните и борец за нивните права, ги сподели вознемирувачките кадри преку социјалните мрежи.

Тие се објавени и на Инстаграм од страна на организацијата Fortis.

Тоа е невладина организација посветена на заштита на децата, човековото достоинство и правата на животните, која функционира во повеќе земји во регионот.

Инаку, настанот со коњот е снимен минатата година во близина на градот Приедор.

Станува збор за град во северозападниот дел на Босна и Херцеговина. Градот има околу 32.000 жители, додека целата општина брои над 89.000 жители.

Со вознемирувачката снимка на која двајца мажи малтретираат коњ, Јелена напиша:

„Давам милион динари за оној кој ќе ми даде име, презиме и адреса на овие монструми. Повторувам – давам милион динари за бараните информации“.

Потоа, случајот доби полициска разрешница, а злосторниците беа уапсени.

„Со оперативна работа на полициските службеници е утврдено дека видеоснимката е снимена минатата година во местото Соколиште“, е соопштено од страна на полицијата во Приедор.

Јелена потоа на Фејсбук напиша:

„Ги најдоа… Не се смирив додека не ги најдоа. Полицијата работи…

За мене не постои друга поделба освен на добри и лоши луѓе.
А најлошите се тие што малтретираат животни.

Тука сите треба да бидеме обединети и да се бориме во име на оние кои немаат глас“.

Вознемирувачката снимка од малтретирањето на коњот, погледнете ја ТУКА...

С. С. | Црнобело