Скандалозниот љубовен живот на Мишо Ковач - Заведе малолетничка додека беше во брак, па се ожени со неа

Детали

недела, 20 април 2025

Мишо Ковач трипати беше во брак, но љубовната приказна со тинејџерката Анита, која ја запозна кога тој имаше 31 година, ќе остане запаметена како една од најскандалозните во Југославија.

Љубовната приказна на Мишо Ковач и Анита Батурина е една од најскандалозните во Југославија.

Кога се запознаа пејачот имаше 31 година и беше во брак, а таа имаше само 17 и требаше да се натпреварува на изборот за Мис тинејџерка на Југославија.

Kога на изборот, организаторите ја прашаа згодната сплиќанка дали има момче, таа се вцрви, но не одговори.

Иако многумина мислеа дека е чудно што не го откри името на својот дечко, по неколку месеци јавноста остана шокирана кога дозна дека станува збор за пејачот Мишо Ковач, кој во тоа време имаше 31 година, додека Анита беше малолетна.

Врската меѓу Мишо и Анита почнала неколку месеци пред изборот за Мис Тинејџерка. На почетокот тие само се дружеле, но потоа меѓу нив се развила љубов.

Работите отишле дотаму, што тие разговарале и за брак, а за скандалот да биде уште поголем, Ковач во тоа време беше во брак со Љубица Ковач.

Но, Мишо бил толку нестрплив да го прекине бракот, што пред еден свој настап во Опатија, на сопругата ѝ признал дека е заљубен во друга и која е девојката што ја сака.

По ова, Мишо почнал да се крие од новинарите, се правдал дека е болен со температура, а потоа заминал на 2-месечна турнеја низ Босна.

Ова дополнително го оддалечило од сопругата, но го зближило со љубовницата, која патувала со него.

Според јавноста, врската со Анита била резултат на животната криза низ која минувал Мишо.

Но, парот покажа дека е навистина заљубен, па Мишо се разведе од првата сопруга и две години откако изби скандалот, се венча со Анита, иако и нејзините родители се противеа на врската.

Од бракот тие ги добија синот Еди и ќерката Ивана.

Но, нивната идила ја уништи смртта на синот, кој загина во војната во 1990-те.

Мишо, не можејќи да се соочи со загубата, го напушти семејниот дом.

„Си замина од станот. Неколку дена пробував да го добијам на телефон, по што се најдовме во мотел. Додека седевме на маса и го гледав можев само да кажам дека не можам да поверувам дека му се случи тоа.

Тој само кратко ми рече: ‘Ете, се случи’. Јас никогаш не би си заминала, тоа на мене немаше да ми се случи си помислив и знаев дека тоа е крајот на нашата љубов“, рекла своевремено Анита.

По разводот, Мишо уште еднаш се ожени, со Лидија Ковач, со која е во брак од 2002 година.

А. Ј. | Црнобелo / фото: Фејсбук