Инспиративната Србинка без раце направи свадба со саканиот: „Конечно сум во венчаница“
- Детали
- понеделник, 21 октомври 2024
Заљубени и среќни позираат на свадбената фотосесија, емотивен прв танц – девојката со крилја како што се нарекува самата, си го исполни сонот и во прекрасна венчаница се омажи за човекот кој е нејзината најголема поддршка во животот и татко на нејзиното дете.
Дејана Бачко е Србинка која е родена без раце и е инспиративна со својата желба за живот како и сите останати, без да дозволи нејзиниот хендикеп да ја спречи во остварување на соништата.
Таа години наназад патува и оди на места од кои многумина на нејзино место би се откажале, има медали за теквондо, црта со помош на нозете и прави сè што ѝ ја полни душата.
Девојката со крилја, минатата година ја роди ќеркичката Лара, и со тоа докажа дека мајките навистина се посилни од сè.
Но, покрај неа, таа го има нејзиниот сакан партнер, кој ѝ е најголема поддршка во животот и е пример за тоа како се сака жена.
Викендов Дејана и нејзиниот сакан Марко ја крунисаа нивната љубов и направија свадба со нивните најблиски.
На Инстаграм тие објавија фотки од свадбената фотосесија и споделија неколку моменти од забавата и од емотивниот прв танц.
Taa изгледа прекрасно во венчаница по прерамки, а на фотките се забележува бурмата на нејзиниот прст.
„Конечно го дочекав тој ден да се најдам во венчаница. Ние почнавме да живееме брачен живот многу брзо откако се запознавме. Но, ви благодарам на сите за овој ден“ – напиша Дејана на Инстаграм.
Погледнете повеќе фотки:
Прочитајте и Инспиративната Србинка без раце за мајчинството: „Не сакам помош, хендикепот не ме спречува да се грижам за ќерка ми“
М. М. | Црнобело
Би можело да ве интересира:
Препорачуваме
Најчитани неделава
