Србин ја запроси саканата под манастирот „Острог“ – Видеото го објави со песна од Калиопи

Детали

петок, 20 септември 2024

„Ја запросил на најубавото место“ – стои во дел од коментарите на кои се гледа како едно момче од Србија одлучило да ја запроси саканата додека чекале да влезат во познатиот манастир „Острог“ во Црна Гора.

На социјалните мрежи е објавено видео на кое се гледа како млад Србин одлучи да ѝ приреди романтично запросување на својата сакана, а тоа го направи во манастирот Острог во Црна Гора.

Додека големиот број посетители чекаа за да влезат во манастирот кој е едно од најпосетуваните свети места на Балканот, на момчето му помогна пријателот којшто кришум дотрча до него и му го подаде прстенот.

„Ја завршив задачата“ – пишува накратко тиктокерот на видеото откако му го подаде прстенот.

Потоа момчето ја викна девојката да се сврти, и клекна на едно колено пред неа.

Видеото е објавено на ТикТок на профилот на срспкиот тиктокер N. Grbovvv, а во заднина тече песната на Калиопи и Жељко Самарџиќ, „Знам“.

Инаку, манастирот „Острог“ е посветен на Свети Василиј Острошки, а препознатлив е по тоа што е изграден во карпа.

Голем број верници доаѓаат таму за да се помолат за здравје, за себе и за своите блиски, а го посетуваат и припадници на другите вери.

Тоа што момчето одлучило токму тука да ја побара раката на својата сакана, предизвика голем број позитивни реакции и коментари на социјалните мрежи.

„Бог да ве благослови деца!“

„Слава Боже, амин“;

„Ништо поубаво, и тоа на најубавото место“ – стои во дел од коментарите.

Погледнете го видеото:

@n.grbovvv

😊 #fyp #viral

♬ Znam - Kaliopi & Željko Samardžić

Б. С. Б. | Црнобело