Србинка по 8 сина доби ќерка: „Со првото дете беше најтешко, со секое наредно е полесно“

Детали

четврток, 11 јули 2024

„Најубав дел од денот ни е кога ќе се собереме околу трпезата и тогаш по којзнае кој пат му се заблагодарувам на Бога за овој голем дар“ – вели Србинката Весна Милиќевиќ која е мајка на 9 деца, а по 8 сина конечно добила ќерка.

Србинката Весна Милиќевиќ по 8 момчиња доби девојче. Таа и нејзиниот сопруг по потекло се од Медвеѓа, Србија, а со години живеат во Италија, каде што се родени сите деца.

Таа вели дека со сопругот сакале да имаат големо семејство и благодарни се на Бог на тоа што го оствариле.

Весна на Инстаграм споделува редовно свои фотографии, а многумина коментираат дека таа не наликува на жена што родила 9 деца.

Таа е мајка на синовите Лука, Стефан, Ѓорѓе, Алекса, Никола, Душан, Петар, Павле и ќерката Мила.

Весна во изјава за српските медиуми рече дека сите бремености ѝ поминале уредно и без компликации, а смета дека тоа е последица на здравиот начин на исхрана.

„Сметам дека е најтешко да се грижите за првото дете, затоа што се среќавате со нешто непознато и имате голем број непотребни грижи.

Со детето се раѓате и вие како родители и тука почнува ’авантурата‘.

Како што ми се раѓаа следните деца, ми беше сè полесно, бев поискусна и со леснотија ги минував сите фази (од грчевите, запчињата, падовите при проодувањето, тргнувањето во градинка, училиште, пубертетот)“ – вели Весна.

По 8 сина, таа минатата година ја доби ќерката Мила, а вели дека засега нема некаква разлика во одгледувањето на децата.

Интересно е што овој брачен пар нема никаква помош од блиските или од дадилки во одгледувањето на децата, па сè прават сами.

„Нашиот ден почнува во раните утрински часови, околу 5 или 5 и 30 часот.

Подготвуваме појадок за децата, ги подготвуваме и ги пренесуваме во училиште или на работа (затоа што два сина веќе се вработени).

Додека децата се во училиште, а сопругот е на работа, јас со ќерката одам да пазарам, ги завршувам домашните обврски и сè останато што е неопходно за да се задоволат потребите на нашето семејство за тој ден.

Најубав дел од денот ни е кога ќе се собереме околу трпезата (и тогаш по којзнае кој пат му се заблагодарувам на Бога за овој голем дар) и си раскажуваме како ни поминал денот“ – вели Весна.

Таа вели дека постарите деца ѝ помагаат околу одгледувањето на помалите, а на сите мајки кои размислуваат за големо семејство им порача:

„Ако сте личност што сака големо семејство може да ви кажам и да ве советувам да не се плашите да го создадете, затоа што со добра организација и голема љубов, сè е лесно и возможно“.

Погледнете уште неколку семејни фотки на Весна:

Б. С. Б. | Црнобело