Била секс робинка во култ, татко ѝ е криминалец – Што знаеме за внуката на српската принцеза, Индија Оксенберг?

Индија била дел од тајното сестринство на култот познато како Dominus Obsequious Sororium (D.O.S), кое се преведува како „Господар на потчинетите женски придружнички“.

Индија 7 години била жртва на манипулации и сексуално злоставување. Ги откривала семејните тајни и била сексуална робинка.

Таа била жигосана со иницијалите на водачот на култот Кит Раниер, а јавно кажуваше дека тој ја изгладнувал, ја малтретирал, па често ѝ наредувал да се соблече и да има секс со него, што било вообичаено за сите припаднички на огранокот на култот.

Со помош на мајка ѝ Кетрин, Индија успеала да го напушти култот во 2018-та година, во периодот кога почнале да излегуваат на виделина злоделата на Кит Раниер, а таа во повеќе наврати јавно зборуваше за хоророт низ кој поминала.

Отворено раскажува дека траумите и болката биле толку големи што често имала суицидни мисли, но за среќа поддршката на мајка ѝ, ѝ помогнале да го преброди најтешкиот период.

Само еден месец по ослободувањето, Индија го запознала Патрик Д Игнацио, со кого заедно работеле во ресторан во Њујорк. Прво станале пријатели, а потоа таа му се отворила за минатото и започнале врска.

Иако во 2020-та година тие двајца се венчале, Индија имала долг период за да се избори со траумите.

Како што вели, долго време ѝ требало да се избори со стравот од храна, затоа што во култот не ѝ било дозволено да се здебели. А најголеми трауми имала со сексот, за што ѝ бил потребен долг период за да се врати во нормала.

Денес Индија на местото на жигот има тетоважа со турско око, живее мирен живот со сопругот, а преку својот подкаст се обидува да им помогне на жртвите што преживеале трауми и сексуални злоставувања.

Б. С. Б. | Црнобело