Пееше на Евровизија, заради депресија посегнал по својот живот – Како изгледа денес Вукашин од „Операција триумф“?

Детали

петок, 17 мај 2024

„Јас имав функционална депресија, што не можеше да се забележи. Кога си во депресија, немаш никакво чувство за ништо“ – откри неодамна пејачот кој се прослави во „Операција триумф“. Каде е денес и како изгледа симпатичното момче што беше меѓу омилените во публиката?

Многумина сè уште го помнат Вукашин Брајиќ, момчето што се прослави благодарение на реалното шоу во кое учествуваше и нашиот Александар Белов, „Операција триумф“.

Момчето кое во 1995-та година дошло во Белград со своето семејство како „бегалец“ од Босна, успеа во тој период да го привлече вниманието на публиката со својата љубов кон рок музиката и својот автентичен и уникатен стил.

По учеството во реалното шоу во 2008-ма година Вукашин учествуваше на Евровизија во 2010-та година, каде ја претставуваше својата родна земја Босна и Херцеговина со песната Thunder and Lightning.

Објави повеќе песни, но потоа подолг период се повлече од јавноста.

Во 2018-та година повторно се врати на музичката сцена со песната Kad se ljubav gasi.

Во тој период изјави дека иако го немало во медиумите, тој сепак пишувал и компонирал песни, но долго чекал да направи радиска песна со сериозен текст.

Иако многумина го очекуваа неговиот голем камбек на музичката сцена, Вукашин во еден период целосно исчезна, а деновиве отворено зборуваше за тоа што му се случувало во последните пет години.

Тој гостуваше во подкаст, каде се појави со фарбана коса и е видно променет, па многумина не можеа ниту да го препознаат на прва.

Пејачот даде емотивна и искрена изјава во која откри со какви проблеми се соочувал.

Вукашин отворено зборуваше за своите проблеми со депресијата и за тоа како во еден миг посегнал и по сопствениот живот.

„Јас имав функционална депресија, што не можеше да се забележи. Бегав во работата, толку многу што работев за да не ја чувствувам таа тегоба.

Кога си во депресија, немаш никакво чувство за ништо. Не ти е жал што мајка ти плаче ако те нема, не ти е жал, едноставно сакаш да се случи нешто.

Сега имаме еден куп некои популарни болести на Инстаграм и тоа не се работи со кои треба да се шегуваме.

Навистина сакам да им кажам на луѓето дека тоа се случува, тоа е вистинско.

Лани завршив во болница на испирање црева на Стара нова година, затоа што се обидов да си го одземам животот.

Тоа е моментот кога сфатив дека таму, од другата страна нема ништо, а ако овде нема ништо, барем може нешто да се случи.

Тоа е мигот кога сфатив дека веќе никогаш нема да посегнам по сопствениот живот“ – рече тој.

@princ.planet.podcast

" Bio sam na VMA, na ispiranju, nakon pokušaja da sam sebi oduzmem život " Nikad više! - Vukašin Brajić, najiskrenije o životnim bitkama! Pričaonica Sanje Ćulibrk!

♬ original sound - Princ Planet

Според него, најважната работа што во изминатите пет години била таа што научил да пушти солза кога му е тешко, затоа што претходно бил човек кој не знаел да плаче.

„Јас само се разочарав затоа што луѓето не се она што мислев дека се“ – рече Вукашин.

Во продолжение погледнете го целиот подкаст во кој гостуваше Вукашин:

Б. С. Б. | Црнобело