Цел свет гледаше во Јелена Ѓоковиќ – Сопругата на Ноле измами воздишки во фустан со џебови од српска дизајнерка

Детали

вторник, 23 април 2024

Јелена Ѓоковиќ, која во минатото често беше мета на критики заради несоодветниот стајлинг, сега заблеска на црвениот тепих со нејзиниот сопруг Новак. Како Србинката успеа да го привлече вниманието на сите?

Во понеделникот (22.04) во Мадрид се доделуваа наградите Laureus каде Новак Ѓоковиќ по петти пат беше избран за спортист на годината.

На црвениот тепих Ноле се појави придружуван од сопругата Јелена, која измами воздишки со едноставниот, но елегантен стајлинг во кој се појави.

Тенисерот за оваа пригода избра да носи костум од луксузниот италијански бренд Brunello Cucinelli, додека Јелена избра креација од српската дизајнерка Драгана Огњеновиќ.

Парот беше модно усолгласен во црна комбинација, а сите погледи беа вперени во едноставниот, но елегантен фустан на Јелена, кој според српските медиуми се продава по цена од околу 500 евра.

Целиот изглед Јелена го надополни со луксузен накит од брендот Cartier.

Ноле ја имаше честа наградата да му биде врачена од рагбистот Том Брејди.

„Наградите Laureus се многу значајни затоа што тие претставуваат признание од страна на 69-те светски најпознати спортисти кои се дел од Laureus World Sports Academy.

Да се добијат гласовите од моите спортски херои е она што ги прави овие награди толку посакувани во светот на спортот“ – рече Ноле.

Со оваа награда, Ноле успеа да се изедначи со Роџер Федерер во поглед на освоените награди за спортист на годината.

Овој пат Јелена успеа да го украде вниманието на сите, но за потсетување, таа во минатото често беше критикувана заради изгледот и стајлингот со кој се појавуваше на важните настани покрај нејзиниот сопруг.

Така, откако нејзиниот сопруг го освои турнирот Вимблдон 2022, таа беше мета на критики заради несредениот изглед.

Novak and Jelena Djokovic on the set of Greta Gerwig's "Barbie" 🎥 pic.twitter.com/EWLrvqBvd4

— DenizTheTennis (@denizthetenis) July 11, 2022

Б. С. Б. | Црнобело