Бака Прасе се фали со стан вреден милиони, а должи 50.000 евра – Гласини дека неговите ресторани целосно пропаднале

Детали

вторник, 23 јануари 2024

Додека Бака Прасе се фали со луксузот во кој живее и елката од 1.500 евра, неговите ресторани се под катанец, а вработените не се на работа. Зошто пропаднал синџирот ресторани за брза храна на најпознатиот српски јутјубер?

Најпознатиот српски јутјубер Богдан Илиќ, попознат како Бака Прасе, во изминатиот период се фалеше со новиот стан во кој вложил околу 2 милиона евра.

И додека тој се фали со луксузот во кој живеат со неговата девојка Ања Бла, српските медиуми пишуваат дека неговите ресторани за брза храна се под катанец заради неподмирените долгови кои достасале до сума од 50.000 евра.

Како што пишува српскиот портал „Republika“, повикувајќи се на сопствени извори, Богдан поседувал синџир ресторани за брза храна кои се сместени на неколку прометни локации низ Белград, кои се препознатливи по името „Код Баке“.

Но, во изминатите денови, овие ресторани се целосно затворени, внатре нема никого, а на локалите нема известување зошто не работат.

Според неофицијални сознанија на медиумот, заради огромните долгови, фирмата била блокирана во изминатите 28 дена.

Други, пак, тврдат дека сопственик на рестораните не е Богдан, туку Урош Грујевиќ, а јутјуберот служи само како заштитно лице и ги рекламира, но извори блиски до него тврдат дека и тој има сопственички удел.

Инаку, ова не е првпат да има скандали поврзани со рестораните на Бака Прасе. Претходно неколку негови објекти биле затворани од страна на инспекцијата.

Во Нови Сад, инспекцијата го затвори објектот откако беше утврдено дека се кршат законски пропишаните санитарни услови.

Минатата година, пак, еден од објектите во Белград беше запален со молотов коктел.

Од друга страна, Бака Прасе на својот Јутјуб канал објавува видеа во кои го покажа секој агол од неговиот нов стан, а девојка му Ања Бла се фалеше со луксузните новогодишни декорации и елката која чинела 1.500 евра.

Б. С. Б. | Црнобело