Цеца и Теа Таировиќ ги кренаа на нозе гостите на Светски ромски бал во Скопје (видео)

Детали

петок, 19 јануари 2024

Вистинската забава на Светски ромски бал 2024 почна со настапот на Теа Таировиќ која ги крена гостите на нозе, а таа потоа ја најави ѕвездата на вечерта - Цеца Ражнатовиќ.

Вчеравечер (18.01) во хотелот „Александар Палас“ во Скопје се одржа 44-иот Светски ромски бал, а српските пејачки Цеца Ражнатовиќ и Теа Таировиќ беа главни музички гости.

Иако вечерта почна со настапите на некои од најпознатите ромски музичари во моментов, кои во придружба на Мухарем Сербезовски ја испеаја ромската химна, но и со многу ора и музика, вистинската забава почна со настапот на Теа Таировиќ.

Насмеана и расположена, таа испеа некои од своите најголеми хитови и ја крена публиката на нозе.

Тие на цел глас пееја со неа, играа и уживаа во нејзиниот динамичен настап.

Теа, потоа ја најави ѕвездата на вечерта, Цеца Ражнатовиќ, која скоро еден час ги забавуваше гостите.

А во нејзиниот репертоар имаше сè: од песни испеани на почетокот на кариерата, па сè до хитовите од нејзиниот последен албум.

Но, вистински делириум се случи кога Цеца ги испеа своите „Београд“ и „Кукавица“.

За задоволство на гостите, откако заврши Цеца, Таировиќ се врати повторно на сцената, со уште еден музички блок.

Забавата, на која имаше гости не само од кај нас, туку и од регионот, но и Европа, траеше до доцна во ноќта, а заврши со настапите на Мухарем Сербезовски и Весна Џогани.

Погледнете видеа од настапите на Цеца и Теа Таировиќ на следната страница: