Пар од шоуто „Задруга“ на раб на егзистенција: Двајцата се тешко болни, имаат 6 деца
- Детали
- понеделник, 01 јануари 2024
Раде и Рада Васиќ се брачен пар од Србија кој се прослави со контроверзното реално шоу „Задруга“. Но, сега се жалат дека во животот не им оди најдобро – Рада има рак на дојка, додека сопругот Раде има проблеми со бубрезите и мора да оди на дијализа.
Иако честопати е критикувано, реалното шоу „Задруга“ сепак е едно од најпопуларните во регионот. А, едни од попознатите луѓе кои учествувале се брачниот пар Раде и Рада Васиќ.
Раде и Рада Васиќ, заедно со своите синови Мика и Гиба, учествуваа во неколку регионални реални шоуа и стекнаа огромна популарност.
Секогаш ведри и насмеани, со своите изјави успеваа сите да ги насмеат.
Раде и Рада имаат 6 деца, а најмлади се токму нивните близнаци Драгутин - Гиба и Мирослав - Мика.
По професија, близнаците се фризери.
https://www.instagram.com/p/BOsTQPDjs9F/
Семејството учествуваше во „Големиот брат“ и неколку сезони на „Задруга“.
Во 2018 година, пред влегувањето во „Задруга“, близнаците најавија промена на полот ако добијат добар хонорар.
Оваа желба им се исполнила, а во медиумите испливаа и фотографии од нив на кои изгледаат непрепознатливо по промената на полот во Германија.
https://www.instagram.com/p/BEytwRhjVSc/
Овен полот, ги променија и имињата во Ивана и Ана.
Нивната мајка во една пригода истакна дека таа ги има прифатено нејзините деца како такви и дека таа никако не можела да влијае на тоа како тие се чувствуваат.
Откри и зошто за целиот процес криеле од јавноста.
„Тие криеја, бидејќи сакаа сѐ да откријат во некое реално шоу. Цел процес од почеток до крај. Само тие две. Тоа го сакаа и нема да се откажат од тоа.
Но, сите планови им пропаднаа кога јавноста дозна и бев многу бесна. Цела заштеда ја потрошивме за нивните операции. Сѐ нѐ чинеше 50.000 евра“.
И двајцата сега имаат партнери, а Ивана дури и се омажи.
Но, неколку години подоцна, животот за ова семејство станал многу тежок.
Рада преку социјалните мрежи ги извести следбениците дека боледува од канцер на дојка и дека поради силната терапија останала без коса.
Таа јавно бара финансиска помош, бидејќи и нејзиниот сопруг е тешко болен.
На Раде му откажале бубрезите и мора да оди на дијализа.
Рада започна да се снима во живо на ТикТок и со своите фанови споделува детали за својата состојба, но и јавно побара помош.
„Ве молам, помогнете колку можете. Тешко сум болна, затоа ме немаше, не сакав да се појавувам без коса, многу лошо се чувствувам.
Многу ми е тешко, одам на силни хемотерапии секој ден, доаѓам дома и веднаш легнувам. Лековите ни се многу скапи“, раскажува таа Рада.
https://youtu.be/2hFWJ0qN-oA?si=Hcg9ajrjUBOb73__
С. Ш. | Црнобело
Би можело да ве интересира:
Препорачуваме
Најчитани неделава
