Александра Пријовиќ даде над 30.000 евра за гардероба на концертите во Загреб - Кои светски дизајнери ги носеше?
- Детали
- четврток, 07 декември 2023
Александра Пријовиќ не штедеше за изгледот на петте концерти што ги одржа во Загреб... Облека, накит и чевли од светски дизајнери - чии креации носеше и кое е најскапото парче?
Српската пејачка Александра Пријовиќ одржа 5 спектакуларни концерти во Загреб, меѓу 1 и 6 декември 2023.
Таа освен со пеењето, воодушеви и со својот изглед на сцената. За облеката, чевлите и накитот Пријовиќ плати над 30.000 евра.
На Инстаграм профилот Balkan Style Files редовно се објавува во што се облечени регионалните ѕвезди, кои дизајнерски парчиња ги носат и колку чинат тие.
Па така, за вториот концерт во Загреб, Александра избра син асиметричен кожен фустан од Alexander McQueen во нијансата Galactic Blue и ракавици во истата нијанса.
Фустанот чини 6.500 евра, а ракавиците се 690 евра.
На четвртиот концерт Пријовиќ носеше црн фустан од дизајнерката Тијана Тодоровиќ со длабоко деколте и шлиц до колк.
Изгледот го дополни со црни обетки во вид на диско топки од Oscar De La Renta, кои чинат 315 евра.
Сандалите на платформа и високи потпетици се од Yves Saint Laurent, од колекцијата Jodie, и чинат 945 евра.
Пејачката на едниот од концертите беше облечена во бел проѕирен фустан, исто така креација на Тијана Тодоровиќ, со длабоко деколте и шлиц до колк, а целиот изглед го дополни со сребрени сандали со ремчиња од Giuseppe Zanotti, кои се продаваат за 790 евра.
Обетките со кристали, пак се од Burberry и чинат 250 евра.
Најскапиот аутфит што го носеше на концертите е креација на Alexander McQueen, црн волнен фустан со кристали кој чини 12.523 евра и чизми со кристали од истиот бренд, чија цена е 8.750 евра.
Таа носеше обетки од Alexander McQueen и за својот последен, петти концерт. Овие асиметрични обетки чинат 959 евра.
Претходно хрватските медиуми пишуваа дека таа поминала една недела во Загреб и за луксузниот хотел платила 17.000 евра.
Со себе има и екипа од 75 луѓе.
Од овие пет концерти, Пријовиќ ќе заработи повеќе од 2,7 милиони евра.
А. Ј. | Црнобело
Би можело да ве интересира:
Препорачуваме
Најчитани неделава
