Цеца во стајлинг од 9.000 евра пееше на прославата на Новак Ѓоковиќ и српските кошаркари (фото+видео)
- Детали
- среда, 13 септември 2023
Во бел корсет од 300 евра, скинати фармерки и чанта од брендот Louis Vuitton, Цеца изгледаше едноставно, а сепак префинето на прославата на која Новак Ѓоковиќ и кошаркарските репрезентативци на Србија ги славеа титулите што ги освоија на 10-ти септември.
Српската ѕвезда Цеца Ражнатовиќ вчеравечер (12.09) пееше на прославата на Новак Ѓоковиќ и српските кошаркари во елитен ресторан во Белград.
Таа се појави облечена во искинати фармерки и корсет, а нејзиниот стајлинг чинеше околу 9.000 евра – носеше корсет Cult Gaia од 243 евра и чанта Lous Vuitton од 8.700 евра.
Пред ресторанот, Цеца одговараше на новинарски прашања, па откри дека атмосферата во нејзиниот дом во неделата (10 септември), кога се играше финалето на Светското првенство во кошарка, а потоа и на US Open, била еуфорична.
„Имаше врескање, тензија, хаос. Ми се чини дека во еден момент добив и анксиозен напад, иако не знам што е тоа. Кошаркарите, па Ноле, па фудбалерите... Беше баш напнато“, изјави таа.
https://www.instagram.com/reel/CxHuT2so9Z_/
Цеца направи вистинска фешта на прославата.
Додека таа пееше, кошаркарите правеа селфи фотки и снимаа видеа на кои се гледа и таа, а дел од нив дојдоа да ја гушнат и да ја бакнат.
Играа, скокаа, пееја на цел глас, додека Цеца им ги исполнуваше музичките желби.
Подеднакво расположен беше и Новак, кој на прославата дојде со сопругата Јелена. Тие, според српските медиуми, први си заминале од забавата.
фото: Принтскрин YouTube
Освен Цеца, на забавата на Новак и кошаркарите, пееја и Саша Матиќ и Владо Георгиев.
Меѓу гостите беше и најдобриот српски кошаркар и НБА играч, Никола Јокиќ, кој реши да не игра за српската репрезентација и го пропушти првенството.
фото: Принтскрин YouТube
За потсетување, Новак ја прославуваше својата 24-та Гренд слем титула во кариерата, откако победи на US Open. Кошаркарите, пак, станаа светски вицешампиони, откако во финалето на Светското првенство во Индонезија загубија од Германија.
https://www.instagram.com/p/CxH0eONIeu0/
фото: Принтскрин YouТube
А. Ј. | Црнобело
Би можело да ве интересира:
Препорачуваме
Најчитани неделава
