Ливчиња од ружи, романтична вечера и огномет – Немања Гудељ ѝ приреди романтично запросување на Анастасија Ражнатовиќ (видео)

Детали

сабота, 29 јули 2023

Со ливчиња од ружи го означил патот до интимната вечера со музичари и акробати – Како изгледала вечерта кога Немања Гудељ ја побарал за жена, својата девојка Анастасија Ражнатовиќ?

Ќерката на српската фолк дива Цеца Ражнатовиќ, Анастасија се пофали со романтичното запросување што нејзиниот партнер Немања Гудељ ѝ го приредил во Шпанија.

По подолго време парот конечно е насмеан и среќен, а убавата Анастасија не ја криеше среќата на нејзиното лице.

Во краткото видео се гледа дека Немања Гудељ навистина се потрудил сè да изгледа магично.

Како што може да се види, Немања поставил ливчиња од ружи во куќата кои на Анастасија ѝ го покажале патот до местото во домот каде тој приредил романтична вечера со музичари и акробати, на која ја побарал нејзината рака.

Голем број од следбениците на Немања и Анастасија им честитаат на Инстаграм и им посакуваат да останат среќни до крајот на животот.

За потсетување, парот пред два месеци доживеа трагедија, кога анастасија во петтиот месец од бременоста го загуби бебето, па додека многумина предвидуваа дека парот ќе  се раздели тие уште еднаш покажаа дека нивната љубов е вистинска и е посилна од сè.

Погледнете го видеото:

  Б. С. Б. | Црнобело